درد کی دھوپ بھرے دل کی تمازت لے کر

درد کی دھوپ بھرے دل کی تمازت لے کر

کیسے جائے کوئی احساس کی ہجرت لے کر

پھر کہاں جائیے اب بیٹھیے ماتم کیجے

دل کے ہاتھوں میں یہ انمول شرافت لے کر

کیا کہیں اب تو نکلنا بھی بہت مشکل ہے

اپنے کاندھے پہ خود اپنی ہی ضمانت لے کر

پیٹ کی بھوک تماشے پہ تماشہ کر لے

ہم تھکیں گے نہیں اس بھوک کی عادت لے کر

اپنے بستر پہ کسی رات ہمیں نیند آتی

اور پھر خواب نہیں آتے ضرورت لے کر

دیکھیے سوچئے محسوس تو ہونے دیجے

درد کی دھوپ میں احساس کی لذت لے کر

dard ki dhup bhare dil ki tamazat le kar

kaise jae koi ehsas ki hijrat le kar

phir kahan jaiye ab baithiye matam kije

dil ke hathon mein ye anmol sharafat le kar

kya kahen ab to nikalna bhi bahut mushkil hai

apne kandhe pe khud apni hi zamanat le kar

pet ki bhuk tamashe pe tamasha kar le

ham thakenge nahin is bhuk ki adat le kar

apne bistar pe kisi rat hamen nind ati

aur phir khwab nahin ate zarurat le kar

dekhiye sochiye mahsus to hone dije

dard ki dhup mein ehsas ki lazzat le kar