ساحل پر دریا کی لہریں سجدا کرتی رہتی ہیں

ساحل پر دریا کی لہریں سجدا کرتی رہتی ہیں

لوٹ کے پھر آنے جانے کا وعدا کرتی رہتی ہیں

کیا جانے کب دھرتی پر سیلاب کا منظر ہو جائے

ہر دم یہ مجبور نگاہیں ورشا کرتی رہتی ہیں

ان کی نیا بن مانجھی کے پار کرے گی سب دریا

کیونکہ ڈھیر دعائیں جیسے پیچھا کرتی رہتی ہیں

کس کس منظر پر خود کو رنجیدہ کر لوں سوچوں گا

ہر منظر پر آنکھیں میری نوحہ کرتی رہتی ہیں

بے محنت جب روٹی قیدی بن جاتی ہے تھالی کی

بے غیرت سی راتیں مجھ سے شکوہ کرتی رہتی ہیں

پتھر ہو جائیں یا پانی رم جھم رم جھم برسائیں

آنکھیں سارے منظر کو آئینہ کرتی رہتی ہیں

sahil par dariya ki lahren sajda karti rahti hain

laut ke phir ane jane ka waada karti rahti hain

kya jane kab dharti par sailab ka manzar ho jae

har dam ye majbur nigahen warsha karti rahti hain

un ki naya ban manjhi ke par karegi sab dariya

kyunke dher duaen jaise pichha karti rahti hain

kis kis manzar par khud ko ranjida kar lun sochunga

har manzar par ankhen meri nauha karti rahti hain

be mehnat jab roti qaidi ban jati hai thali ki

be ghairat si raten mujh se shikwa karti rahti hain

patthar ho jaen ya pani ram jhim ram jhim barsaen

ankhen sare manzar ko aina karti rahti hain