دشت وحشت میں ہمارا اب ہوا ہے بود و باش

دشت وحشت میں ہمارا اب ہوا ہے بود و باش

سر پھرانے کو عبث صیاد کرتا ہے تلاش

سرزنش عالم کی اور سنگ جفا تیرے سے آہ

شاید اب مینائے دل ہوتا ہے ظالم پاش پاش

یہ ابھی پل میں تجھے برباد کر دیں محتسب

دیکھ ناحق مے کشوں کے بھید کو کرتا ہے فاش

یوں دماغ اب کس کا یاری دے جو شاید کیجیے

پاس جا منعم کے بیٹھے جو کبھی بہر معاش

شعر کہنے کا سلیقہ کچھ نہیں ہے امتیازؔ

ہے مگر اتنا کہ یہ رکھتا ہے ٹک غم کا تراش

dasht-e-wahshat mein hamara ab hua hai bud-o-bash

sar pharane ko abas sayyad karta hai talash

sarzanish alam ki aur sang-e-jafa tere se ah

shayad ab mina-e-dil hota hai zalim pash pash

ye abhi pal mein tujhe barbad kar den mohtasib

dekh nahaq mai kashon ke bhed ko karta hai fash

yun dimagh ab kis ka yari de jo shayad kijiye

pas ja munam ke baithe jo kabhi bahr-e-maash

sher kahne ka saliqa kuchh nahin hai imtiyaz

hai magar itna ke ye rakhta hai tuk gham ka tarash