Arooz is now on the App Store, for iPhone and iPad. Download →

All poetry

دھوپ نکلی کبھی بادل سے ڈھکی رہتی ہے

Zafar Imam (b. 1963)

دھوپ نکلی کبھی بادل سے ڈھکی رہتی ہے

رات دن اپنی ہی آنکھوں میں جگی رہتی ہے

دیکھتے جائیے ملنے کا یہ انداز بھی ایک

ہونٹ پہ تھوڑی مروت کی ہنسی رہتی ہے

کیا سمندر کو بھی خطرہ ہے کہ اس میں کوئی

کلبلاتی ہوئی بے چین ندی رہتی ہے

اک نظر دیکھتی جائیں گی ہماری آنکھیں

بند دل میں کوئی کھڑکی بھی کھلی رہتی ہے

صاف جذبوں کے حوالے سے تو غم ہیں لیکن

ایک لمحے کی خوشی ایک صدی رہتی ہے

دیکھ لیتے ہیں اندھیرے میں بھی رستہ اپنا

شمع احساس کے مانند جلی رہتی ہے