اک ندی میں سیکڑوں دریا کی طغیانی ملی

اک ندی میں سیکڑوں دریا کی طغیانی ملی

ڈوبنے والے کو مر جانے کی آسانی ملی

آج تک اک موج بھی تم کو نہ دیوانی ملی

سرپھری پاگل ہوا کو روکنا دشوار تھا

ایک ہی دن کے لیے تھی اس کو سلطانی ملی

تشنہ لب تالاب نے بادل کو پھر دھوکا دیا

پھر وہی صحرا وہی صحرا کی ویرانی ملی

ہر سفر سے کشتیوں کا لوٹنا ممکن نہیں

کیا پتہ کب لہر کوئی دشمن جانی ملی

آگے پیچھے سب کو مقتل سے گزرنا ہے ظفرؔ

کیوں سمجھتے ہیں کہ ہم کو ہی پریشانی ملی

ik nadi mein saikron dariya ki tughyani mili

dubne wale ko mar jane ki asani mili

aj tak ik mauj bhi tum ko na diwani mili

sarphiri pagal hawa ko rokna dushwar tha

ek hi din ke liye thi us ko sultani mili

tishna lab talab ne badal ko phir dhoka diya

phir wahi sahra wahi sahra ki wirani mili

har safar se kashtiyon ka lautna mumkin nahin

kya pata kab lahr koi dushman-e-jani mili

age pichhe sab ko maqtal se guzarna hai zafar

kyun samajhte hain ke ham ko hi pareshani mili