ترے خیال کا دامن سخن نے تھام لیا

ترے خیال کا دامن سخن نے تھام لیا

فراق میں بھی محبت سے خوب کام لیا

ہمارا عشق عبادت کا اگلا درجہ ہے

خدا نے چھوڑ دیا تو تمہارا نام لیا

غموں سے بیر تھا سو ہم نے خود کشی کر لی

شجر گرا کے پرندوں سے انتقام لیا

بچھڑ کے تم سے کئی بچھڑے لوگ یاد آئے

دیا بجھا تو انہیں جگنوؤں سے کام لیا

نگاہ شوق کی آمد ہوئی تھی بستی میں

ہر ایک چاند نے پھر اپنا اپنا بام لیا

tire khayal ka daman sukhan ne tham liya

firaq mein bhi mohabbat se khub kam liya

hamara ishq ibadat ka agla darja hai

khuda ne chhor diya to tumhara nam liya

ghamon se bair tha so ham ne khud kashi kar li

shajar gira ke parindon se intiqam liya

bichhar ke tum se kai bichhre log yad ae

diya bujha to unhen jugnuon se kam liya

nigah-e-shauq ki amad hui thi basti mein

har ek chand ne phir apna apna bam liya