سب کے ہونٹوں پہ یہ مرنے کی دعائیں کیسی

سب کے ہونٹوں پہ یہ مرنے کی دعائیں کیسی

چارہ گر تو نے ہمیں دیں ہیں دوائیں کیسی

ایک ہی پل میں بدلتے ہیں مناظر کیا کیا

ہم تری آنکھیں بنائیں تو بنائیں کیسی

مے کشی چھوڑ دو جب بھول چکے ہو اس کو

اب شفا مل ہی گئی ہے تو دوائیں کیسی

ایسے حالات میں ہنسنے کی تمنا کس کو

ایسے ماحول میں جینے کی دعائیں کیسی

اندھے لوگوں کو سنا دیتے ہیں اس کا چہرہ

آپ کے لوگ بھی دیتے ہیں سزائیں کیسی

ہنستے گاتے بھی اداسی نہیں چھوڑی میں نے

چھوڑ دیتی ہیں جو بچوں کو وہ مائیں کیسی

sab ke honton pe ye marne ki duaen kaisi

chara gar tu ne hamen den hain dawaen kaisi

ek hi pal mein badalte hain manazir kya kiya

ham tiri ankhen banaen to banaen kaisi

mai kashi chhor do jab bhul chuke ho us ko

ab shifa mil hi gai hai to dawaen kaisi

aise halat mein hansne ki tamanna kis ko

aise mahaul mein jine ki duaen kaisi

andhe logon ko suna dete hain us ka chehra

ap ke log bhi dete hain sazaen kaisi

hanste gate bhi udasi nahin chhori main ne

chhor deti hain jo bachchon ko wo maen kaisi