عیش ماضی کے گنا حال کا طعنہ دے دے
Balmohan panday (b. 1998)عیش ماضی کے گنا حال کا طعنہ دے دے
گھر پلٹنے کے لیے کوئی بہانہ دے دے
میں نے اس شہر کو اک شخص کا ہم نام کیا
چاہے اب جو بھی اسے نام زمانہ دے دے
سنگ زادوں کو بھی تعمیر میں شامل کر لو
اس سے پہلے کہ کوئی آئنہ خانہ دے دے
اس کا رومال بھی مجبوری تھا ہمدردی نہیں
اس کو یہ ڈر تھا کوئی اور نہ شانہ دے دے
دل کے اجڑے ہوئے جنگل کو پڑا رہنے دو
عین ممکن ہے پرندوں کو ٹھکانہ دے دے
aish mazi ke gina hal ka taana de de
ghar palatne ke liye koi bahana de de
main ne is shahr ko ik shakhs ka ham nam kiya
chahe ab jo bhi use nam zamana de de
sang zadon ko bhi taamir mein shamil kar lo
is se pahle ke koi aina khana de de
us ka rumal bhi majburi tha hamdardi nahin
us ko ye dar tha koi aur na shana de de
dil ke ujre hue jangal ko para rahne do
ain mumkin hai parindon ko thikana de de