کھل کے رو لینے سے دل ہلکان ہو جائے گا کیا

کھل کے رو لینے سے دل ہلکان ہو جائے گا کیا

مسکرا دوں گا تو سب آسان ہو جائے گا کیا

میں اگر اپنی خوشی سے ایک دن بھی کاٹ لوں

آپ لوگوں کا بہت نقصان ہو جائے گا کیا

وہ میری دنیا کا حصہ تھی میری دنیا نہیں

ایک شجر کٹنے سے بن ویران ہو جائے گا کیا

دن بہ دن رشتوں کی زنجیریں جکڑتی جائیں گی

رفتہ رفتہ گھر میرا زندان ہو جائے گا کیا

khul ke ro lene se dil halkan ho jaega kya

muskura dunga to sab asan ho jaega kya

main agar apni khushi se ek din bhi kat lun

ap logon ka bahut nuqsan ho jaega kya

wo meri duniya ka hissa thi meri duniya nahin

ek shajar katne se ban wiran ho jaega kya

din ba din rishton ki zanjiren jakarti jaengi

rafta rafta ghar mera zindan ho jaega kya