Arooz is now on the App Store, for iPhone and iPad. Download →

All poetry

سمے سے پہلے بھلے شام زندگی آئے

Balmohan panday (b. 1998)

سمے سے پہلے بھلے شام زندگی آئے

کسی طرح بھی اداسی کا گھاؤ بھر جائے

ہم اب اداس نہیں سر بہ سر اداسی ہیں

ہمیں چراغ نہیں روشنی کہا جائے

جو شعر سمجھے مجھے داد واد دیتا رہے

گلے لگائے جسے غم سمجھ میں آ جائے

گئے دنوں میں کوئی شوق تھا محبت کا

اب اس عذاب میں یہ ذہن کون الجھائے

کسی کے ہنسنے سے روشن ہوئی تھی باد صبا

کوئی اداس ہوا تو گلاب مرجھائے

یہ ایک دکھ ہی دبا رہ گیا ہے آنکھوں میں

وہ ایک مصرع جسے شعر کر نہیں پائے

اگر ہوں غصے میں پھر بھی میں چاہتا یہ ہوں

میں صرف ہجر کہوں اور فون کٹ جائے