روانگی میں سمے کا خیال کرتے ہیں

روانگی میں سمے کا خیال کرتے ہیں

پھر اس کو بھیج کے پہروں ملال کرتے ہیں

ذرا سے تلخ بیانی پسند ہیں پھر بھی

اداس لوگ محبت کمال کرتے ہیں

اب ان کو عشق کے آداب کون سمجھائے

بجھے چراغ ہوا سے سوال کرتے ہیں

گنہ ہے عشق پہ پابندیاں بجا لیکن

تمہارے لوگ تو جینا محال کرتے ہیں

اس ایک جملے نے کرنے نہیں دیا کچھ بھی

جو لوگ کچھ نہیں کرتے کمال کرتے ہیں

rawangi mein samay ka khayal karte hain

phir us ko bhej ke pahron malal karte hain

zara se talkh bayani pasand hain phir bhi

udas log mohabbat kamal karte hain

ab un ko ishq ke adab kaun samjhae

bujhe charagh hawa se sawal karte hain

gunah hai ishq pe pabandiyan baja lekin

tumhare log to jina muhal karte hain

us ek jumle ne karne nahin diya kuchh bhi

jo log kuchh nahin karte kamal karte hain