آغاز سے انجام سفر دیکھ رہا ہوں

آغاز سے انجام سفر دیکھ رہا ہوں

دیکھا نہیں جاتا ہے مگر دیکھ رہا ہوں

تیراک لگاتار یہاں ڈوب رہے ہیں

چپ چاپ میں دریا کا ہنر دیکھ رہا ہوں

اس خواب کی تعبیر کوئی مجھ کو بتا دے

منزل سے بھی آگے کا سفر دیکھ رہا ہوں

اس شخص کے ہونٹوں پہ مرا ذکر بہت ہے

میں اپنی دعاؤں کا اثر دیکھ رہا ہوں

جو تجھ کو بہت دور کبھی لے گئی مجھ سے

میں کب سے وہی راہ گزر دیکھ رہا ہوں

اک عمر سے قائم ہے یہ راتوں کی حکومت

اک عمر سے میں خواب سحر دیکھ رہا ہوں

aghaz se anjam safar dekh raha hun

dekha nahin jata hai magar dekh raha hun

tairak lagatar yahan dub rahe hain

chup chap mein dariya ka hunar dekh raha hun

is khwab ki taabir koi mujh ko bata de

manzil se bhi age ka safar dekh raha hun

us shakhs ke honton pe mira zikr bahut hai

main apni duaon ka asar dekh raha hun

jo tujh ko bahut dur kabhi le gai mujh se

main kab se wahi rah guzar dekh raha hun

ik umr se qaim hai ye raton ki hukumat

ik umr se main khwab-e-sahar dekh raha hun