اس سے پہلے کہ کوئی اور ہٹا دے مجھ کو

اس سے پہلے کہ کوئی اور ہٹا دے مجھ کو

اپنے پہلو سے کہیں دور بٹھا دے مجھ کو

میں سخن فہم کسی وصل کا محتاج نہیں

چاندنی رات ہے اک شعر سنا دے مجھ کو

خودکشی کرنے کے موسم نہیں آتے ہر روز

زندگی اب کوئی رستہ نہ دکھا دے مجھ کو

ایک یہ زخم ہی کافی ہے مرے جینے کو

چارہ گر ٹھیک نہ ہونے کی دوا دے مجھ کو

یوں تو سورج ہوں مگر فکر لگی رہتی ہے

وہ چراغوں کے بھرم میں نہ بجھا دے مجھ کو

تجھ کو معلوم نہیں عشق کسے کہتے ہیں

اپنے سینہ پہ نہیں دل میں جگہ دے مجھ کو

ہر نئے شخص پہ کھل جانے کی عادت موہنؔ

دینے والے سے کہو تھوڑی انا دے مجھ کے

is se pahle ke koi aur hata de mujh ko

apne pahlu se kahin dur bitha de mujh ko

main sukhan fahm kisi wasl ka mohtaj nahin

chandni rat hai ik sher suna de mujh ko

khudkushi karne ke mausam nahin ate har roz

zindagi ab koi rasta na dikha de mujh ko

ek ye zakhm hi kafi hai mire jine ko

chara gar thik na hone ki dawa de mujh ko

yun to suraj hun magar fikr lagi rahti hai

wo charaghon ke bharam mein na bujha de mujh ko

tujh ko maalum nahin ishq kise kahte hain

apne sina pe nahin dil mein jagah de mujh ko

har nae shakhs pe khul jane ki adat mohan

dene wale se kaho thori ana de mujh ke