مقدس درس گاہوں کی حرم کی اور شوالوں کی

مقدس درس گاہوں کی حرم کی اور شوالوں کی

اندھیرے میں قسم کھاتی ہے یہ دنیا اجالوں کی

ذرا پہچان ان مجبور انسانوں کے چہروں کو

جو غیرت کے سبب جرأت نہیں کرتے سوالوں کی

تم اپنے عہد کی باتیں کہیں محفوظ کر لینا

مؤرخ کو ضرورت پڑتی رہتی ہے حوالوں کی

ہماری شخصیت پر دوستو پانی نہ پھر جائے

کمی محسوس ہوتی ہے شکایت کرنے والوں کی

ستارے دن میں نکلیں گے تو ان کو کون پوچھے گا

اندھیروں کی بدولت قدر ہوتی ہے اجالوں کی

muqaddas dars gahon ki haram ki aur shawwalon ki

andhere mein qasam khati hai ye duniya ujalon ki

zara pahchan un majbur insanon ke chehron ko

jo ghairat ke sabab jurat nahin karte sawalon ki

tum apne ahd ki baten kahin mahfuz kar lena

muarrikh ko zarurat parti rahti hai hawalon ki

hamari shakhsiyat par dosto pani na phir jae

kami mahsus hoti hai shikayat karne walon ki

sitare din mein niklenge to un ko kaun puchhega

andheron ki badaulat qadr hoti hai ujalon ki