جس کی چاہت میں گمشدہ ہوں میں

جس کی چاہت میں گمشدہ ہوں میں

وہ سمجھتی ہے بے وفا ہوں میں

دیکھ کر کے پلٹ گیا تو مجھے

تیرے دل کا ہی راستا ہوں میں

بیٹھتے ہیں رقیب میرے پاس

ہجر کی کارگر دوا ہوں میں

آئنے میں نہیں ملے گا تو

ڈھونڈھ مجھ کو ترا پتہ ہوں میں

گر محبت گناہ ہے تو پھر

ٹھیک کہتے ہیں سب برا ہوں میں

تو نے اک چیخ ہی سنی ہے بس

سن خموشی بھی ان سنا ہوں میں

تو مجھے سوچتا نہیں ہوگا

سوچ کر کے یہ مر گیا ہوں میں

jis ki chahat mein gumshuda hun main

wo samajhti hai be wafa hun main

dekh kar ke palat gaya to mujhe

tere dil ka hi rasta hun main

baithte hain raqib mere pas

hijr ki kargar dawa hun main

aine mein nahin milega to

dhundh mujh ko tira pata hun main

gar mohabbat gunah hai to phir

thik kahte hain sab bura hun main

tu ne ik chikh hi suni hai bas

sun khamoshi bhi an suna hun main

tu mujhe sochta nahin hoga

soch kar ke ye mar gaya hun main