جو ہے چشمہ اسے سراب کرو

جو ہے چشمہ اسے سراب کرو

شہر تشنہ میں انقلاب کرو

مسکرانے کا فن تو بعد کا ہے

پہلے ساعت کا انتخاب کرو

اب کے تعبیر مسئلہ نہ رہے

یہ جو دنیا ہے اس کو خواب کرو

اور پکنے دو عشق کی مٹی

پار عجلت میں مت چناب کرو

عہد نو کے عجب تقاضے ہیں

جو ہے خوشبو اسے گلاب کرو

یوں خوشی کی ہوس نہ جائے گی

ایک اک غم کو بے نقاب کرو

ہرسنگاروں سے بولتی ہے زمیں

اب کی رت میں مجھے کتاب کرو

پہلے پوچھو سوال اپنے تئیں

پھر خلا سے طلب جواب کرو

jo hai chashma use sarab karo

shahr tishna mein inqilab karo

muskurane ka fan to baad ka hai

pahle saat ka intikhab karo

ab ke taabir masala na rahe

ye jo duniya hai us ko khwab karo

aur pakne do ishq ki mitti

par ujlat mein mat chunab karo

ahd-e-nau ke ajab taqaze hain

jo hai khushbu use gulab karo

yun khushi ki hawas na jaegi

ek ik gham ko be naqab karo

harsingaron se bolti hai zamin

ab ki rut mein mujhe kitab karo

pahle puchho sawal apne tain

phir khala se talab jawab karo