ترا لحظہ وہی تلوار جیسا تھا

ترا لحظہ وہی تلوار جیسا تھا

مری گردن میں خم ہر بار جیسا تھا

اتر جاتا تو رسوائی بہت ہوتی

کہ سر کا بوجھ بھی دستار جیسا تھا

تراشی ہیں غم دوراں نے تقدیریں

یہ خنجر بھی کسی اوزار جیسا تھا

ہنسی بھی اشتہاروں سی چمکتی تھی

وہ چہرہ تو کسی اخبار جیسا تھا

بہت رشتے تھے سب کی قیمتیں طے تھی

ہمارے گھر میں کچھ بازار جیسا تھا

tira lahza wahi talwar jaisa tha

miri gardan mein kham har bar jaisa tha

utar jata to ruswai bahut hoti

ke sar ka bojh bhi dastar jaisa tha

tarashi hain gham-e-dauran ne taqdiren

ye khanjar bhi kisi auzar jaisa tha

hansi bhi ishtiharon si chamakti thi

wo chehra to kisi akhbar jaisa tha

bahut rishte the sab ki qimaten tai thi

hamare ghar mein kuchh bazar jaisa tha