گو ذرا تیز شعاعیں تھیں ذرا مند تھے ہم

گو ذرا تیز شعاعیں تھیں ذرا مند تھے ہم

تو نے دیکھا ہی نہیں غور سے ہر چند تھے ہم

ہم جو ٹوٹے ہیں بتا ہار بھلا کس کی ہوئی

زندگی تیری اٹھائی ہوئی سوگند تھے ہم

اور بیمار ہوئے جاتے ہیں خاموشی سے

ایک آزار سخن تھا تو تنومند تھے ہم

تیرے خط دیکھ کے اکثر یہ خیال آتا رہا

ریشمیں ریشمیں تحریر پہ پیوند تھے ہم

یہ گیا سال بھی گزرا ہے تو یوں گزرا ہے

دستکیں تھک کے سبھی لوٹ گئیں بند تھے ہم

go zara tez shuaen thin zara mand the ham

tu ne dekha hi nahin ghaur se har chand the ham

ham jo tute hain bata har bhala kis ki hui

zindagi teri uthai hui saugand the ham

aur bimar hue jate hain khamoshi se

ek azar sukhan tha to tanumand the ham

tere khat dekh ke aksar ye khayal ata raha

reshamen reshamen tahrir pe paiwand the ham

ye gaya sal bhi guzra hai to yun guzra hai

dastaken thak ke sabhi laut gain band the ham