کم نہ ہوگی یہ سرگرانی کیا

کم نہ ہوگی یہ سرگرانی کیا

یوں ہی گزرے گی زندگانی کیا

اشک پہلے کہاں نکلتے تھے

ہو گئی آگ پانی پانی کیا

سارے کردار ایک ہی صف میں

ختم ہونے کو ہے کہانی کیا

آئنہ میں ہے پھر وہی صورت

یوں ہی ہوتی ہے ترجمانی کیا

ربط کتنا ہے دو کناروں میں

کوئی دریا ہے درمیانی کیا

مسکراہٹ پہ حیرتی کی گرہ

اور کھلنے لگے معانی کیا

kam na hogi ye sargirani kiya

yun hi guzregi zindagani kiya

ashk pahle kahan nikalte the

ho gai ag pani pani kiya

sare kirdar ek hi saf mein

khatm hone ko hai kahani kiya

aina mein hai phir wahi surat

yun hi hoti hai tarjumani kya

rabt kitna hai do kinaron mein

koi dariya hai darmiyani kiya

muskurahat pe hairati ki girah

aur khulne lage maani kya