ہوئے ہم بے سر و سامان لیکن

ہوئے ہم بے سر و سامان لیکن

سفر کو کر لیا آسان لیکن

کنارے زد میں آنا چاہتے ہیں

اترنے کو ہے اب طوفان لیکن

بہت جی چاہتا ہے کھل کے رو لیں

لہک اٹھے نہ غم کا دھان لیکن

تعلق ترک تو کر لیں سبھی سے

بھلے لگتے ہیں کچھ نقصان لیکن

توازن آ چلا ہے ذہن و دل میں

شکستہ حال ہے میزان لیکن

بہت سے رنگ اترے بارشوں میں

دھنک کے کھل گئے امکان لیکن

hue ham be sar-o-saman lekin

safar ko kar liya asan lekin

kinare zad mein ana chahte hain

utarne ko hai ab tufan lekin

bahut ji chahta hai khul ke ro len

lahak uthe na gham ka dhan lekin

taalluq tark to kar len sabhi se

bhale lagte hain kuchh nuqsan lekin

tawazun a chala hai zehn-o-dil mein

shikasta hal hai mizan lekin

bahut se rang utre barishon mein

dhanak ke khul gae imkan lekin