حادثات اب کے سفر میں نئے ڈھب سے آئے

حادثات اب کے سفر میں نئے ڈھب سے آئے

کشتیاں بھی نہیں ڈوبی نہ کنارے آئے

بعد مدت یہ جلا کس کے ہنر نے بخشی

بعد مدت مرے آئینے میں چہرہ آئے

اشک پلکوں کی منڈیروں پہ تمنا دل میں

دن ڈھلے لوٹ کے شاخوں پہ پرندے آئے

سارے کرداروں سے جی کھول کے باتیں کر لوں

موڑ کیسا مرے قصے میں نہ جانے آئے

عرش پر روز بگولے سے پھرا کرتے ہیں

دشت کی خاک کو دیوانہ کہاں لے آئے

میں کسی اور تقاضے سے کروں ذکر اس کا

وہ کسی اور سے ملنے کے بہانے آئے

hadsat ab ke safar mein nae dhab se ae

kashtiyan bhi nahin dubi na kinare ae

baad muddat ye jala kis ke hunar ne bakhshi

baad muddat mire aine mein chehra ae

ashk palkon ki munderon pe tamanna dil mein

din dhale laut ke shakhon pe parinde ae

sare kirdaron se ji khol ke baten kar lun

mor kaisa mire qisse mein na jane ae

arsh par roz bagule se phira karte hain

dasht ki khak ko diwana kahan le ae

main kisi aur taqaze se karun zikr us ka

wo kisi aur se milne ke bahane ae