مرے کچھ بھی کہے کو کاٹتا ہے

مرے کچھ بھی کہے کو کاٹتا ہے

وہ اپنے دائرے کو کاٹتا ہے

میں اس بازار کے قابل نہیں ہوں

یہاں کھوٹا کھرے کو کاٹتا ہے

اداس آنکھیں پہنتی ہیں ہنسی کو

پھر آنسو قہقہے کو کاٹتا ہے

نہ مجھ کو ہیں قبول اپنی خطائیں

نہ وہ اپنے لکھے کو کاٹتا ہے

توجہ چاہتا ہے غم پرانا

سو رہ رہ کر نئے کو کاٹتا ہے

وہی آنسو وہی ماضی کے قصے

جسے دیکھو کٹے کو کاٹتا ہے

mire kuchh bhi kahe ko katta hai

wo apne daire ko katta hai

main is bazar ke qabil nahin hun

yahan khota khare ko katta hai

udas ankhen pahanti hain hansi ko

phir ansu qahqahe ko katta hai

na mujh ko hain qubul apni khataen

na wo apne likhe ko katta hai

tawajjoh chahta hai gham purana

so rah rah kar nae ko katta hai

wahi ansu wahi mazi ke qisse

jise dekho kate ko katta hai