ہمیں دیکھا نہ کر اڑتی نظر سے

ہمیں دیکھا نہ کر اڑتی نظر سے

امیدوں کے نکل آتے ہیں پر سے

اب ان کی راکھ پلکوں پر جمی ہے

گھڑی بھر خواب چمکے تھے شرر سے

بچانے میں لگی ہے خلق مجھ کو

میں ضائع ہو رہا ہوں اس ہنر سے

وہ لہجہ ہائے دریائے سخن میں

مسلسل بنتے رہتے ہیں بھنور سے

سمندر ہے کوئی آنکھوں میں شاید

کناروں پر چمکتے ہیں گہر سے

توقع ہے انہیں اس ابر سے جو

دکھائی دے ادھر اس اور برسے

ذرا امکان کیا دیکھا نمی کا

نکل آئے شجر دیوار و در سے

رقم دل پر ہوا کیا کیا نہ پوچھو

بیاں ہونا ہے یہ قصہ نظر سے

سنبھلتے ہی نہیں ہم سے بکلؔ اب

بچے ہیں دن یہاں جو مختصر سے

hamen dekha na kar urti nazar se

ummidon ke nikal ate hain par se

ab un ki rakh palkon par jami hai

ghari bhar khwab chamke the sharar se

bachane mein lagi hai khalq mujh ko

main zae ho raha hun is hunar se

wo lahja ha-e-dariya-e-sukhan mein

musalsal bante rahte hain bhanwar se

samundar hai koi ankhon mein shayad

kinaron par chamakte hain guhar se

tawaqqo hai unhen is abr se jo

dikhai de idhar is aur barse

zara imkan kya dekha nami ka

nikal ae shajar diwar-o-dar se

raqam dil par hua kya kya na puchho

bayan hona hai ye qissa nazar se

sambhalte hi nahin ham se bakal ab

bachche hain din yahan jo mukhtasar se