اپنا بگڑا ہوا بناؤ لیے

اپنا بگڑا ہوا بناؤ لیے

جی رہے ہیں وہی سبھاؤ لیے

شام اتری ہے پھر احاطے میں

جسم پر روشنی کے گھاؤ لیے

سیدھی سادی سی راہ تھی مجھ تک

تم نے ناحق کئی گھماؤ لیے

درد کے قہر سے لڑیں کب تک

اک ترے روپ کا الاؤ لیے

لوگ دریا سمجھ رہے ہیں مجھے

مجھ میں صحرا ہے اک بہاؤ لیے

دل نے بے رنگ ہونے سے پہلے

ہلکے گہرے کئی رچاؤ لیے

تجھ سے کہنا تھا کچھ پہ لگتا ہے

مر ہی جائیں گے جی میں چاؤ لیے

apna bigra hua banao liye

ji rahe hain wahi sabhao liye

sham utri hai phir ihate mein

jism par raushni ke ghao liye

sidhi sadi si rah thi mujh tak

tum ne nahaq kai ghumao liye

dard ke qahr se laren kab tak

ik tire rup ka alao liye

log dariya samajh rahe hain mujhe

mujh mein sahra hai ik bahao liye

dil ne be rang hone se pahle

halke gahre kai rachao liye

tujh se kahna tha kuchh pe lagta hai

mar hi jaenge ji mein chao liye