مری نظر کو در و بام پر لگایا ہوا ہے

مری نظر کو در و بام پر لگایا ہوا ہے

چلو کسی نے مجھے کام پر لگایا ہوا ہے

وہ اور ہوں گے جو صحرا میں پا بہ جولاں ہیں

مجھے تو شہر نے احکام پر لگایا ہوا ہے

اگر وہ آیا تو اس بار صبح مانوں گا

بہت دنوں سے مجھے شام پر لگایا ہوا ہے

کبھی تو لگتا ہے یہ عذر لنگ ہے ورنہ

مجھے تو کفر نے اسلام پر لگایا ہوا ہے

وہ اور لوگ ہیں جو اس کے پاس بیٹھے ہیں

ہمیں تو اس نے کسی کام پر لگایا ہوا ہے

miri nazar ko dar-o-bam par lagaya hua hai

chalo kisi ne mujhe kam par lagaya hua hai

wo aur honge jo sahra mein pa ba jaulan hain

mujhe to shahr ne ahkam par lagaya hua hai

agar wo aya to is bar subh manunga

bahut dinon se mujhe sham par lagaya hua hai

kabhi to lagta hai ye uzr-e-lang hai warna

mujhe to kufr ne islam par lagaya hua hai

wo aur log hain jo us ke pas baithe hain

hamen to us ne kisi kam par lagaya hua hai