جہاں پہ ہوتا ہوں اکثر وہاں نہیں ہوتا

جہاں پہ ہوتا ہوں اکثر وہاں نہیں ہوتا

وہیں تلاش کرو میں جہاں نہیں ہوتا

اگر تمہاری زباں سے بیاں نہیں ہوتا

مرا وجود کبھی داستاں نہیں ہوتا

بچھڑ گیا تھا وہ ملنے سے پیشتر ورنہ

میں اس طرح سے کبھی رائیگاں نہیں ہوتا

نظر بچا کے نکلنا تو چاہتا ہوں مگر

وہ کس جگہ سے ہے غائب کہاں نہیں ہوتا

کبھی تو یوں کہ مکاں کے مکیں نہیں ہوتے

کبھی کبھی تو مکیں کا مکاں نہیں ہوتا

jahan pe hota hun aksar wahan nahin hota

wahin talash karo main jahan nahin hota

agar tumhari zaban se bayan nahin hota

mira wajud kabhi dastan nahin hota

bichhar gaya tha wo milne se peshtar warna

main is tarah se kabhi raigan nahin hota

nazar bacha ke nikalna to chahta hun magar

wo kis jagah se hai ghaib kahan nahin hota

kabhi to yun ke makan ke makin nahin hote

kabhi kabhi to makin ka makan nahin hota