پیغام زندگی ہے خوشی کی نوید ہے

پیغام زندگی ہے خوشی کی نوید ہے

میرے لیے تو آپ کا دیدار عید ہے

کس نے کہا ہے زیست مرے نام کیجیے

دو پل بھی ساتھ آپ کا عید سعید ہے

اک آرزو ہے آپ مرے ہم سفر بنیں

تا عمر دیکھتی رہوں یہ شوق دید ہے

دل ڈوب جائے گا مرا بارش میں پیار کی

سیلاب عشق آنے کی شاید شنید ہے

ہر وقت میرے لب پہ رہی ہے یہی دعا

مل جائے وہ کہ جس کا مرا دل مرید ہے

بیٹھے ہیں بت بنے ہوئے ایسے وہ سامنے

ہونے کو اب نگاہ سے گفت و شنید ہے

بے شک سبیلہؔ میں نے رقم کی ہے ہے داستاں

لیکن نیا خیال ہے لہجہ جدید ہے

paigham-e-zindagi hai khushi ki nawed hai

mere liye to ap ka didar eid hai

kis ne kaha hai zist mire nam kijiye

do pal bhi sath ap ka eid-e-said hai

ik arzu hai ap mire ham safar banen

ta umr dekhti rahun ye shauq-e-did hai

dil dub jaega mira barish mein pyar ki

sailab ishq ane ki shayad shanid hai

har waqt mere lab pe rahi hai yahi dua

mil jae wo ke jis ka mira dil murid hai

baithe hain but bane hue aise wo samne

hone ko ab nigah se guft-o-shanid hai

be shak sabilahu main ne raqam ki hai hai dastan

lekin naya khayal hai lahja jadid hai