منہ اندھیرے ہی کوئی گھر سے نکلتا ہوا تھا

منہ اندھیرے ہی کوئی گھر سے نکلتا ہوا تھا

ایک منظر تھا کہ منظر سے نکلتا ہوا تھا

ایک خلقت کہ نہ ہونے میں پھنسی جاتی تھی

اور میں ہونے کے چکر سے نکلتا ہوا تھا

کچھ تو وہ خود ہی چلا آیا تھا باہر باہر

اور کچھ میں بھی اب اندر سے نکلتا ہوا تھا

خوب روشن سی کوئی چیز مرے سامنے تھی

اور دھواں تھا کہ مرے سر سے نکلتا ہوا تھا

مدتوں یوں ہی تہ بال چلے آتے تھے

آسماں تھا کہ مرے پر سے نکلتا ہوا تھا

munh andhere hi koi ghar se nikalta hua tha

ek manzar tha ke manzar se nikalta hua tha

ek khilqat ke na hone mein phansi jati thi

aur main hone ke chakkar se nikalta hua tha

kuchh to wo khud hi chala aya tha bahar bahar

aur kuchh main bhi ab andar se nikalta hua tha

khub raushan si koi chiz mire samne thi

aur dhuan tha ke mire sar se nikalta hua tha

muddaton yun hi tah-e-bal chale ate the

asman tha ke mire par se nikalta hua tha