خاک اطراف میں اڑتی ہے بہت پانی دے

خاک اطراف میں اڑتی ہے بہت پانی دے

اس مسافت کو بھی ایک خطۂ بارانی دے

کچھ دنوں دشت بھی آباد ہوا چاہتا ہے

کچھ دنوں کے لیے اب شہر کو ویرانی دے

یا مجھے مملکت عشق کی شاہی سے نواز

یا مجھے پھر سے وہی بے سر و سامانی دے

میری دانائی نے رکھا نہ کہیں کا مجھ کو

میرے مولا تو مجھے پھر وہی نادانی دے

اب کہانی کو بھی الجھا ذرا افسانہ طراز

شوق کچھ اور بڑھا آنکھ کو حیرانی دے

khak atraf mein urti hai bahut pani de

is masafat ko bhi ek khitta-e-barani de

kuchh dinon dasht bhi abad hua chahta hai

kuchh dinon ke liye ab shahr ko wirani de

ya mujhe mamlukat-e-ishq ki shahi se nawaz

ya mujhe phir se wahi be sar-o-samani de

meri danai ne rakha na kahin ka mujh ko

mere maula to mujhe phir wahi nadani de

ab kahani ko bhi uljha zara afsana taraz

shauq kuchh aur barha ankh ko hairani de