ایک تو کاوش جگر بھی کروں

ایک تو کاوش جگر بھی کروں

اور پھر منت ثمر بھی کروں

عشق میں خیر تھا جنوں لازم

اب کوئی دوسرا ہنر بھی کروں

سوچتا ہوں ترے تعاقب میں

خود کو رسوائے بال و پر بھی کروں

پہلے بن مانگے زندگی دے دی

اور پھر شرط ہے بسر بھی کروں

شعر لکھوں بھی اور لوگوں میں

شاعری اپنی مشتہر بھی کروں

لفظ و معنی کا جبر جھیلوں بھی

اور پھر خود کو معتبر بھی کروں

کام کچھ بے سبب بھی کر ڈالوں

اور کچھ کام سوچ کر بھی کروں

ek to kawish-e-jigar bhi karun

aur phir minnat-e-samar bhi karun

ishq mein khair tha junun lazim

ab koi dusra hunar bhi karun

sochta hun tire taaqub mein

khud ko ruswa-e-bal-o-par bhi karun

pahle bin mange zindagi de di

aur phir shart hai basar bhi karun

sher likhun bhi aur logon mein

shayari apni mushtahar bhi karun

lafz-o-maani ka jabr jhelun bhi

aur phir khud ko motabar bhi karun

kam kuchh be sabab bhi kar dalun

aur kuchh kam soch kar bhi karun