تعبیروں کو ڈھونڈ رہی ہوں خوابوں کی پرواہ نہیں

تعبیروں کو ڈھونڈ رہی ہوں خوابوں کی پرواہ نہیں

منزل پر ہی نظر ہے میری رستوں کی پرواہ نہیں

اس کو کیا معلوم کہ صدیاں لمحوں سے ہی بنتی ہیں

صدیوں کی ہے فکر اسے ان لمحوں کی پرواہ نہیں

اپنے پن کا مطلب بھی تو لوگوں کو معلوم نہیں

میرا اپنا وہ ہے جس کو اپنوں کی پرواہ نہیں

میں نے دل میں ٹھان لیا تھا زنجیروں کو توڑوں گی

لیکن میرے دل نے پوچھا رشتوں کی پرواہ نہیں

ہم نے کھائے زخم ولاؔ ہم ان سے دور ہی رہتے ہیں

پھولوں سے وہ کھیلے جس کو کانٹوں کی پرواہ نہیں

taabiron ko dhund rahi hun khwabon ki parwah nahin

manzil par hi nazar hai meri raston ki parwah nahin

us ko kya maalum ke sadiyan lamhon se hi banti hain

sadiyon ki hai fikr use in lamhon ki parwah nahin

apne pan ka matlab bhi to logon ko maalum nahin

mera apna wo hai jis ko apnon ki parwah nahin

main ne dil mein than liya tha zanjiron ko torungi

lekin mere dil ne puchha rishton ki parwah nahin

ham ne khae zakhm wala ham un se dur hi rahte hain

phulon se wo khele jis ko kanton ki parwah nahin