دل سے مری یادوں کو رہا کیوں نہیں کرتے

دل سے مری یادوں کو رہا کیوں نہیں کرتے

تم پھول سے خوشبو کو جدا کیوں نہیں کرتے

رشتوں کے بکھرنے کا سبب ہم سے نہ پوچھو

تم خود ہی بتاؤ کہ وفا کیوں نہیں کرتے

برسوں سے کوئی خط نہیں آیا مرے گھر پر

اب نامہ یہاں لوگ لکھا کیوں نہیں کرتے

جو دور ہوا ہم سے وہی پوچھ رہا ہے

ہم فاصلہ مٹنے کی دعا کیوں نہیں کرتے

کیوں ماضی کی ہر یاد سجا رکھی ہے گھر میں

ہے درد پرانا تو دوا کیوں نہیں کرتے

محفل میں تو تم نام مرا لے نہیں سکتے

تنہائی میں بھی ذکر مرا کیوں نہیں کرتے

برسوں سے ولاؔ ایک کنارے پہ کھڑی ہے

تم نیل کے ساحل پہ ملا کیوں نہیں کرتے

dil se miri yadon ko raha kyun nahin karte

tum phul se khushbu ko juda kyun nahin karte

rishton ke bikharne ka sabab ham se na puchho

tum khud hi batao ke wafa kyun nahin karte

barson se koi khat nahin aya mire ghar par

ab nama yahan log likha kyun nahin karte

jo dur hua ham se wahi puchh raha hai

ham fasla mitne ki dua kyun nahin karte

kyun mazi ki har yad saja rakhi hai ghar mein

hai dard purana to dawa kyun nahin karte

mahfil mein to tum nam mira le nahin sakte

tanhai mein bhi zikr mira kyun nahin karte

barson se wala ek kinare pe khari hai

tum nil ke sahil pe mila kyun nahin karte