نہ کر غرور اگر تو کمال رکھتا ہے

نہ کر غرور اگر تو کمال رکھتا ہے

کہ ہر عروج یہاں پر زوال رکھتا ہے

خدا ہی جانے میں آئی ہوں کیسے گلشن میں

یہاں تو خار بھی حسن و جمال رکھتا ہے

ہر ایک زخم پہ میرے نمک چھڑکتا ہے

وہ دوست میرا بہت ہی خیال رکھتا ہے

تمام رشتوں کو توڑا نہیں ابھی اس نے

خفا خفا ہے مگر بول چال رکھتا ہے

لبوں پہ اس کے شکایت نہیں ہے کوئی ولاؔ

مگر نظر میں ہزاروں سوال رکھتا ہے

na kar ghurur agar to kamal rakhta hai

ke har uruj yahan par zawal rakhta hai

khuda hi jane mein ai hun kaise gulshan mein

yahan to khar bhi husn-o-jamal rakhta hai

har ek zakhm pe mere namak chhirakta hai

wo dost mera bahut hi khayal rakhta hai

tamam rishton ko tora nahin abhi us ne

khafa khafa hai magar bol chal rakhta hai

labon pe us ke shikayat nahin hai koi wala

magar nazar mein hazaron sawal rakhta hai