میں اپنے ساتھ کوئی ایسی چال چل جاؤں

میں اپنے ساتھ کوئی ایسی چال چل جاؤں

ہر اک حصار سے بچتا ہوا نکل جاؤں

تمام سمت ہواؤ بکھیر دو مجھ کو

سمٹتی ریت ہوں دیوار میں نہ ڈھل جاؤں

کچھ ایسا لوچ مرے درمیان پیدا کر

ہر ایک چوٹ پہ اک گیند سا اچھل جاؤں

کسی کے جسم میں پیوست ہو نہ جاؤں کہیں

میں کیوں نہ کانچ کی سب کرچیاں نگل جاؤں

تو اپنا بوجھ اٹھا میرا اعتبار نہ کر

نہ جانے برف کی سطح سے کب پھسل جاؤں

main apne sath koi aisi chal chal jaun

har ik hisar se bachta hua nikal jaun

tamam samt-e-hawao bikher do mujh ko

simatti ret hun diwar mein na dhal jaun

kuchh aisa loch mire darmiyan paida kar

har ek chot pe ik gend sa uchhal jaun

kisi ke jism mein paiwast ho na jaun kahin

main kyun na kanch ki sab kirchiyan nigal jaun

tu apna bojh utha mera etibar na kar

na jane barf ki sath se kab phisal jaun