رہ وفا سے میں اک گام بھی ہٹا تو نہیں

رہ وفا سے میں اک گام بھی ہٹا تو نہیں

لہولہان ہوا ہوں مگر ڈرا تو نہیں

نظر میں شائبہ خوف کس لیے آئے

یہ سیل جبر ہجوم برہنہ پا تو نہیں

کھنچاؤ ہوتا ہے محسوس خوں کے قطروں میں

یہ روح عصر کہیں روح کربلا تو نہیں

عجب تناؤ ہے ماحول میں کہیں کس سے

کہیں پہ آج کوئی حادثہ ہوا تو نہیں

لبوں پہ حرف وفا ہے تو پھر نگاہوں میں

یہ خوف کیوں ہو کہیں کوئی دیکھتا تو نہیں

rah-e-wafa se main ik gam bhi hata to nahin

lahuluhan hua hun magar dara to nahin

nazar mein shaiba khauf kis liye ae

ye sail-e-jabr hujum-e-barahna pa to nahin

khanchao hota hai mahsus khun ke qatron mein

ye ruh-e-asr kahin ruh karbala to nahin

ajab tanao hai mahaul mein kahin kis se

kahin pe aj koi hadisa hua to nahin

labon pe harf-e-wafa hai to phir nigahon mein

ye khauf kyun ho kahin koi dekhta to nahin