جسم تھکتا رہا مگر نکلے

جسم تھکتا رہا مگر نکلے

اک سفر سے کئی سفر نکلے

عشق نکلا خطوں خطوں پہلے

اور پھر ان خطوں کے پر نکلے

بس اسی کی رہی کمی چھت پر

چاند تارے تو رات بھر نکلے

ایسے نکلا ہے وہ کہانی سے

جسم سے روح جس قدر نکلے

موت کی ہی کسر بچی ہے اب

ایک غم اور یہ کسر نکلے

jism thakta raha magar nikle

ik safar se kai safar nikle

ishq nikla khaton khaton pahle

aur phir in khaton ke par nikle

bas usi ki rahi kami chhat par

chand tare to rat bhar nikle

aise nikla hai wo kahani se

jism se ruh jis qadar nikle

maut ki hi kasr bachi hai ab

ek gham aur ye kasar nikle