اس کو جن آنکھوں سے دنیا دکھتی ہے

اس کو جن آنکھوں سے دنیا دکھتی ہے

میں نے ان آنکھوں میں دنیا دیکھی ہے

جس کو میرا ہاتھ پکڑنا چاہیئے تھا

وہ میری اک غلطی پکڑے بیٹھی ہے

آنکھ سے نکلی تب مجھ کو معلوم ہوا

خواب کی ارتھی پانی جیسی ہوتی ہے

سن نوے میں وہ دنیا میں آئی تھی

سن نوے سے شام یہ بہکی بہکی ہے

وہ کہتی تھی مر جائے گی میرے بن

کوئی تو بتلاؤ اب وہ کیسی ہے

us ko jin ankhon se duniya dikhti hai

main ne in ankhon mein duniya dekhi hai

jis ko mera hath pakarna chahiye tha

wo meri ik ghalati pakre baithi hai

ankh se nikli tab mujh ko maalum hua

khwab ki arthi pani jaisi hoti hai

sun nawe mein wo duniya mein ai thi

sun nawe se sham ye bahki bahki hai

wo kahti thi mar jaegi mere bin

koi to batlao ab wo kaisi hai