اور پھر ہم نے بھی اپنے دل کا سودا کر لیا

اور پھر ہم نے بھی اپنے دل کا سودا کر لیا

بعد تیرے ہم نے اپنا دل کھلونا کر لیا

اف یہ تیرے ہاتھ پیلے اف سندوری مانگ یہ

اک ذرا ناراضگی میں تو نے یہ کیا کر لیا

تھا نہیں سورج مگر اتنا اندھیرا بھی نہ تھا

ہم نے خود بتی بجھائی خود اندھیرا کر لیا

کوئی چارہ ہی نہیں تھا پاس میرے اس لئے

تیری جیسی عادتیں کیں خود کو تجھ سا کر لیا

اب کہاں مجھ سا ملے گا تم کو دنیا میں کوئی

مجھ سے دھوکا کر کے تم نے خود سے دھوکا کر لیا

aur phir ham ne bhi apne dil ka sauda kar liya

baad tere ham ne apna dil khilauna kar liya

uf ye tere hath pile uf sinduri mang ye

ik zara narazgi mein tu ne ye kya kar liya

tha nahin suraj magar itna andhera bhi na tha

ham ne khud batti bujhai khud andhera kar liya

koi chara hi nahin tha pas mere is liye

teri jaisi adaten kin khud ko tujh sa kar liya

ab kahan mujh sa milega tum ko duniya mein koi

mujh se dhoka kar ke tum ne khud se dhoka kar liya