جی لیے پر من نہیں بھر پائے ہم

جی لیے پر من نہیں بھر پائے ہم

ایک خالی پن نہیں بھر پائے ہم

خود سے رسوا ہو گئے ہم اور پھر

خود میں اپنا پن نہیں بھر پائے ہم

دل میں جو کچھ بھی تھا پتھر ہو گیا

آنکھوں میں ساون نہیں بھر پائے ہم

روح جیسے ساتھ تیرے چل بسی

بعد تیرے تن نہیں بھر پائے ہم

پیار کرنا تو سکھایا تھا اسے

پر دوانہ پن نہیں بھر پائے ہم

گھر میں جو بوڑھا شجر تھا گر گیا

پھر کبھی آنگن نہیں بھر پائے ہم

دل جو اک صدمے نے بے سدھ کر دیا

دل میں پھر دھڑکن نہیں بھر پائے ہم

ji liye par man nahin bhar pae ham

ek khali pan nahin bhar pae ham

khud se ruswa ho gae ham aur phir

khud mein apna pan nahin bhar pae ham

dil mein jo kuchh bhi tha patthar ho gaya

ankhon mein sawan nahin bhar pae ham

ruh jaise sath tere chal basi

baad tere tan nahin bhar pae ham

pyar karna to sikhaya tha use

par diwana pan nahin bhar pae ham

ghar mein jo burha shajar tha gir gaya

phir kabhi angan nahin bhar pae ham

dil jo ik sadme ne be sudh kar diya

dil mein phir dharkan nahin bhar pae ham