مری آنکھوں کے جو روشن دیے ہیں

مری آنکھوں کے جو روشن دیے ہیں

تمہاری یاد میں بجھنے لگے ہیں

کئی آنسو تو اصلی رنگ اپنا

مری آنکھوں میں آ کر دیکھتے ہیں

تمہارے خواب دل کش خواب تھے پر

مری آنکھوں میں بھی گہرے کنویں ہیں

وہی رشتے جو مجھ کو بن رہے تھے

مرے اشعار میں بکھرے پڑے ہیں

بڑپن دیکھیے میرے بڑوں کا

مجھے چھوٹا جتانے پر تلے ہیں

miri ankhon ke jo raushan diye hain

tumhari yad mein bujhne lage hain

kai ansu to asli rang apna

miri ankhon mein a kar dekhte hain

tumhare khwab dil kash khwab the par

miri ankhon mein bhi gahre kuen hain

wahi rishte jo mujh ko ban rahe the

mire ashar mein bikhre pare hain

barpan dekhiye mere baron ka

mujhe chhota jatane par tale hain