تم دل کی دل میں رکھو بتایا نہیں کرو

تم دل کی دل میں رکھو بتایا نہیں کرو

یوں کہہ کے داستان رلایا نہیں کرو

مجھ سے بچھڑ کے رہتا ہے دل شاد ایک شخص

یہ من گھڑت کہانی سنایا نہیں کرو

آنکھوں کے گرد حلقے پڑے جاگ جاگ کر

نیندوں کو میری ایسے اڑایا نہیں کرو

میری غزل کا طول تمہارے سبب سے ہے

تم سوچ بن کے شعر میں آیا نہیں کرو

تارے شمار کرتی ہوں شب بھر فراق میں

تم دور مجھ سے جاں مری جایا نہیں کرو

مظلوم کی صدا سے نہ آ جائے انقلاب

اتنا زیادہ ظلم بھی ڈھایا نہیں کرو

کوشش کرو سبیلہؔ کے سب تم سے خوش رہیں

ناحق کسی کے دل کو دکھایا نہیں کرو

tum dil ki dil mein rakho bataya nahin karo

yun kah ke dastan rulaya nahin karo

mujh se bichhar ke rahta hai dil shad ek shakhs

ye man gharat kahani sunaya nahin karo

ankhon ke gard halqe pare jag jag kar

nindon ko meri aise uraya nahin karo

meri ghazal ka tul tumhare sabab se hai

tum soch ban ke sher mein aya nahin karo

tare shumar karti hun shab bhar firaq mein

tum dur mujh se jan miri jaya nahin karo

mazlum ki sada se na a jae inqilab

itna ziyada zulm bhi dhaya nahin karo

koshish karo sabilahu ke sab tum se khush rahen

nahaq kisi ke dil ko dikhaya nahin karo