سچ ہے تم کو ملا نہیں ہوں میں

سچ ہے تم کو ملا نہیں ہوں میں

ہاں مگر گمشدہ نہیں ہوں میں

مجھ سے کچھ غلطیاں تو ہوں گی ہی

آدمی ہوں خدا نہیں ہوں میں

آپ کو بھول ہی نہیں پایا

کیا کروں آپ سا نہیں ہوں میں

اس زمانہ کے رنگ ہیں مجھ پر

ورنہ اتنا برا نہیں ہوں میں

سن رہا ہوں میں تیری خاموشی

دل دکھا ہے مرا نہیں ہوں میں

sach hai tum ko mila nahin hun main

han magar gumshuda nahin hun main

mujh se kuchh ghalatiyan to hongi hi

admi hun khuda nahin hun main

ap ko bhul hi nahin paya

kya karun ap sa nahin hun main

is zamana ke rang hain mujh par

warna itna bura nahin hun main

sun raha hun main teri khamoshi

dil dikha hai mira nahin hun main