جنگل پہاڑ کھیت بھی بھاتے نہیں مجھے

جنگل پہاڑ کھیت بھی بھاتے نہیں مجھے

اپنی نظر سے تم جو دکھاتے نہیں مجھے

میں رسم رہ گیا ہوں فقط اور کچھ نہیں

اس پر بھی میرے لوگ نبھاتے نہیں مجھے

دو دن ملے بغیر بھی جس سے سکوں نہ تھا

ہائے اب اس کے خواب تک آتے نہیں مجھے

یہ زندگی ہے خواب برا خواب زندگی

کیوں نیند سے خدایا جگاتے نہیں مجھے

غم ہیں مجھے تو خیر مجھے یہ سکون ہے

یہ غم اکیلے چھوڑ کے جاتے نہیں مجھے

jangal pahar khet bhi bhate nahin mujhe

apni nazar se tum jo dikhate nahin mujhe

main rasm-e-rah gaya hun faqat aur kuchh nahin

us par bhi mere log nibhate nahin mujhe

do din mile baghair bhi jis se sukun na tha

hae ab us ke khwab tak ate nahin mujhe

ye zindagi hai khwab bura khwab-e-zindagi

kyun nind se khudaya jagate nahin mujhe

gham hain mujhe to khair mujhe ye sukun hai

ye gham akele chhor ke jate nahin mujhe