آپ کو یہ بھلے آسان سفر لگتا ہے

آپ کو یہ بھلے آسان سفر لگتا ہے

شعر کہنے میں مگر خون جگر لگتا ہے

چاہتے تھے جسے بھر لیں گے کبھی بانہوں میں

اتنا نازک ہے وہ چھونے میں بھی ڈر لگتا ہے

اتنی یادیں ہیں فضاؤں میں تری کیا بولیں

لکھنؤ آج بھی تیرا ہی نگر لگتا ہے

جس کسی سے بھی ملوں اب وہ لگے ہے تم سا

تم نہ مانو گے مرے یار مگر لگتا ہے

تم سے بچھڑے تھے کبھی تب سے پہر یہ ہم کو

آج تک تم سے بچھڑنے کا پہر لگتا ہے

ap ko ye bhale asan safar lagta hai

sher kahne mein magar khun-e-jigar lagta hai

chahte the jise bhar lenge kabhi banhon mein

itna nazuk hai wo chhune mein bhi dar lagta hai

itni yaden hain fazaon mein tiri kya bolen

lakhnau aj bhi tera hi nagar lagta hai

jis kisi se bhi milun ab wo lage hai tum sa

tum na manoge mire yar magar lagta hai

tum se bichhre the kabhi tab se pahar ye ham ko

aj tak tum se bichharne ka pahar lagta hai