کسی حکیم نہ عطار سے شفا ہوگی

کسی حکیم نہ عطار سے شفا ہوگی

وصال حسن طرح دار سے شفا ہوگی

ہمارے سر میں ہے سودائے وحشت پیہم

ہمیں جمال رخ یار سے شفا ہوگی

اے تیغ چشم صنم کر جگر پہ ترچھا وار

اگر ہوئی تو اسی وار سے شفا ہوگی

نقاب رخ کو دم وصل الوداع کہیے

مریض ہجر کو دیدار سے شفا ہوگی

دوا سے بڑھ کے دوا ہے لبان سرخ کا لمس

قتیل حسن کو ہتھیار سے شفا ہوگی

دکھایا جائے انہیں آئنہ برائے شفا

تو اپنے عکس شرر بار سے شفا ہوگی

پھر آزمائیں گے اک نسخۂ غلط آسیؔ

اگر نہ آپ کو اشعار سے شفا ہوگی

kisi hakim na attar se shifa hogi

wisal-e-husn tarah dar se shifa hogi

hamare sar mein hai sauda-e-wahshat-e-paiham

hamen jamal-e-rukh yar se shifa hogi

ai tegh-e-chashm-e-sanam kar jigar pe tirchha war

agar hui to isi war se shifa hogi

naqab-e-rukh ko dam-e-wasl alwida kahiye

mariz-e-hijr ko didar se shifa hogi

dawa se barh ke dawa hai luban surkh ka lams

qatil-e-husn ko hathiyar se shifa hogi

dikhaya jae unhen aina bara-e-shifa

tu apne aks-e-sharar bar se shifa hogi

phir azmaenge ik nuskha-e-ghalat asi

agar na ap ko ashar se shifa hogi