بے ثمر صحبتوں سے بہتر ہیں

بے ثمر صحبتوں سے بہتر ہیں

رنجشیں الفتوں سے بہتر ہیں

سانپ اچھے نہیں یقیناً نئیں

پر مرے دوستوں سے بہتر ہیں

حاصل عشق ہے یہ اک جملہ

فاصلے قربتوں سے بہتر ہیں

کارہائے ہوس میں ہیں مشغول

مشغلے فرصتوں سے بہتر ہیں

راستے راستی کے مت چھوڑو

وادیاں پربتوں سے بہتر ہیں

قفل بہتر نہیں زبانوں پر

ہاں مگر غیبتوں سے بہتر ہیں

ہم ہیں بہتر کئی بلاؤں سے

وہ کئی آفتوں سے بہتر ہیں

آپ اور ہم میں فرق ہے اتنا

آپ کچھ نسبتوں سے بہتر ہیں

بد گمانوں سے دوریاں آسیؔ

خوا مخواہ حجتوں سے بہتر ہیں

be samar sohbaton se behtar hain

ranjishen ulfaton se behtar hain

sanp achchhe nahin yaqinan nain

par mire doston se behtar hain

hasil-e-ishq hai ye ik jumla

fasle qurbaton se behtar hain

karhae hawas mein hain mashghul

mashghale fursaton se behtar hain

raste rasti ke mat chhoro

wadiyan parbaton se behtar hain

qufl behtar nahin zabanon par

han magar ghibaton se behtar hain

ham hain behtar kai balaon se

wo kai afaton se behtar hain

ap aur ham mein farq hai itna

ap kuchh nisbaton se behtar hain

bad gumanon se duriyan asi

khwa makhwah hujjaton se behtar hain