آپ نگاہ مست سے پتھر کو آب کیجیے

آپ نگاہ مست سے پتھر کو آب کیجیے

تھامیے آب ہاتھ میں اور شراب کیجیے

کار وفا کا جب نہیں کوئی صلہ جناب عشق

بندہ نیا تلاشیے میرا حساب کیجیے

آ ہی گئے ہیں آپ تو اتنا کرم کہ دو قدم

چل کے ہمارے ساتھ دل سب کے کباب کیجیے

چائے میں مت ملائیے شکر کہ ہے ضرر رساں

شامل مٹھاس واسطے اپنا لعاب کیجیے

ہم نے کہا کہ آپ کے ہونٹوں سے ایک کام ہے

بند نقاب کھول کر بولے جناب کیجیے

تہمت زہد لے کے ہم بیٹھے ہوئے ہیں منتظر

کچھ تو قریب آئیے کچھ تو خراب کیجیے

دال نہیں جناب کی گلنے کی بزم حسن میں

اٹھیے نشست چھوڑیئے بند کتاب کیجیے

ap nigah-e-mast se patthar ko ab kijiye

thamiye ab hath mein aur sharab kijiye

kar wafa ka jab nahin koi sila janab-e-ishq

banda naya talashiye mera hisab kijiye

a hi gae hain ap to itna karam ke do qadam

chal ke hamare sath dil sab ke kabab kijiye

chae mein mat milaiye shukr ke hai zarar rasan

shamil mithas waste apna luab kijiye

ham ne kaha ke ap ke honton se ek kam hai

band-e-naqab khol kar bole janab kijiye

tohmat-e-zohd le ke ham baithe hue hain muntazir

kuchh to qarib aiye kuchh to kharab kijiye

dal nahin janab ki galne ki bazm-e-husn mein

uthiye nashist chhoriye band kitab kijiye