چندا بھی بس رات میں اچھا لگتا ہے

چندا بھی بس رات میں اچھا لگتا ہے

ہر بندہ اوقات میں اچھا لگتا ہے

چہرہ لال گلابی سا ہو جاتا ہے

وہ مجھ کو جذبات میں اچھا لگتا ہے

مل کر چھیڑتے رہتے ہیں سب یار مجھے

ذکر ترا ہر بات میں اچھا لگتا ہے

سجتے ہیں اس شوخ بدن پر سارے رنگ

ہر کنگن اس ہاتھ میں اچھا لگتا ہے

اچھا لگتا ہے وہ جیسے گل گلاب

پھولوں کی بہتات میں اچھا لگتا ہے

یاد گئے لمحوں کو کر کے رو لینا

مجھ کو ہر برسات میں اچھا لگتا ہے

چھوڑ دے آسیؔ پیار کو چل مزدوری کر

عشق اچھے حالات میں اچھا لگتا ہے

chanda bhi bas rat mein achchha lagta hai

har banda auqat mein achchha lagta hai

chehra lal gulabi sa ho jata hai

wo mujh ko jazbat mein achchha lagta hai

mil kar chherte rahte hain sab yar mujhe

zikr tira har bat mein achchha lagta hai

sajte hain us shokh badan par sare rang

har kangan is hath mein achchha lagta hai

achchha lagta hai wo jaise gul gulab

phulon ki bahutat mein achchha lagta hai

yad gae lamhon ko kar ke ro lena

mujh ko har barsat mein achchha lagta hai

chhor de asi pyar ko chal mazduri kar

ishq achchhe halat mein achchha lagta hai