ملے تو کاش مرا ہاتھ تھام کر لے جائے

ملے تو کاش مرا ہاتھ تھام کر لے جائے

وہ اپنے گھر نہ سہی مجھ کو میرے گھر لے جائے

بتان شہر تمہارے لرزتے ہاتھوں میں

کوئی تو سنگ ہو ایسا کہ میرا سر لے جائے

دیا کروں گا یوں ہی تیرے نام کی دستک

مرا نصیب مجھے لاکھ در بدر لے جائے

وہ آدمی ہو کہ خوشبو بہت ہی رسوا ہے

ہوائے شہر جسے اپنے دوش پر لے جائے

مرے قریب سے گزرے تو اہل دل بولے

اٹھا کے کون پرندہ لہو میں تر لے جائے

پلٹ کے آئے تو شاید نہ کچھ دکھائی دے

وہ جا رہا ہے تو عاصمؔ مری نظر لے جائے

mile to kash mira hath tham kar le jae

wo apne ghar na sahi mujh ko mere ghar le jae

butan-e-shahr tumhare larazte hathon mein

koi to sang ho aisa ke mera sar le jae

diya karunga yun hi tere nam ki dastak

mira nasib mujhe lakh dar badar le jae

wo admi ho ke khushbu bahut hi ruswa hai

hawa-e-shahr jise apne dosh par le jae

mire qarib se guzre to ahl-e-dil bole

utha ke kaun parinda lahu mein tar le jae

palat ke ae to shayad na kuchh dikhai de

wo ja raha hai to asim miri nazar le jae