عشق بار دگر ہوا ہی نہیں

عشق بار دگر ہوا ہی نہیں

دل لگایا تھا دل لگا ہی نہیں

ایک سے لوگ ایک سی باتیں

گھر بدلنے کا فائدہ ہی نہیں

ہم جہاں بھی گئے پلٹ آئے

کوئی تیری طرح ملا ہی نہیں

ڈھونڈ لاتے وہیں سے دل لیکن

پھر وہ میلہ کہیں لگا ہی نہیں

اس طرح ٹوکتا ہوں اوروں کو

جیسے میں جھوٹ بولتا ہی نہیں

ورنہ سقراط مر گیا ہوتا

اس پیالے میں زہر تھا ہی نہیں

ishq bar-e-digar hua hi nahin

dil lagaya tha dil laga hi nahin

ek se log ek si baten

ghar badalne ka faida hi nahin

ham jahan bhi gae palat ae

koi teri tarah mila hi nahin

dhund late wahin se dil lekin

phir wo mela kahin laga hi nahin

is tarah tokta hun auron ko

jaise main jhut bolta hi nahin

warna suqrat mar gaya hota

is pyale mein zahr tha hi nahin